​ຂີ່​ເຮືອ​ຫາງ​ຍາວ ຕາມ​ລຳ​ນ້ຳ​ຊອງ

ເຮືອຈັກຫາງຍາວ ເປັນເຮືອທີ່ເຮັດດ້ວຍໄມ້ ທີ່ຕິດທ້າຍດ້ວຍເຄື່ອງຈັກ, ເຊີ່ງໃນເມື່ອກ່ອນປະຊາຊົນຊາວເມືອງວັງວຽງ ໄດ້ນຳໃຊ້ເຮືອ ເພື່ອເປັນພາຫານະຂົນສົ່ງ ແລະ ທຳມາຫາກິນທາງນ້ຳ ເພື່ອລ້ຽງຊີບ, ຕົກມາໃນໄລຍະປີ 2000 ເປັນຕົ້ນມາ ປະຊາຊົນ ຈຶ່ງໄດ້ຫັນການນຳໃຊ້ເຮືອເພື່ອຫາປາ ມາບໍລິການໃຫ້ແກ່ນັກທ່ອງທ່ຽວ. ກິດຈະກຳ ນັ່ງເຮືອຈັກຫາງຍາວຊົມທຳມະຊາດ ຕາມລຳນໍ້າຊອງ ກໍ່ເປັນອີກກິດຈະກຳໜື່ງທີ່ກຸ່ມນັກທ່ອງທ່ຽວ ລະດັບອາວຸໂສ ມັກມາໃຊ້ບໍລິການ ເພື່ອທ່ຽວຊົມທຳມະຊາດ ທີ່ໄຊ້ເວລາ ໃນໄລຍະສັ້ນ ປະມານ 30- 40 ນາທີ, ເວລາທີ່ເໝາະສົມທີ່ສຸດ ແມ່ນ ຕອນເຊົ້າ ແລະ ຕອນແລງ ຈະມີລົມເຢັນໆພັດຜ່ານ ເໝາະກັບບັນຍາກາດທຳມະຊາດສາຍນ້ຳຊອງ. ປະຈຸບັນ ໄດ້ມີການຈັດຕັ້ງເປັນກຸ່ມບໍລິການ, ມີເຮືອທັງໝົດ 114 ລຳ ໄວ້ຄອຍບໍລິການນັກທ່ອງທ່ຽວ, ໂດຍມີການຈັດແບ່ງຕາຕະລາງໝູນວຽນກັນໃນແຕ່ລະວັນ. ຄ່າບໍລິການແມ່ນຈະເກັບນຳນັກທ່ອງທ່ຽວຜູ້ລະ 40.000 ກີບ/ຄົນ/ຖ້ຽວ …

ແດນສະຫວັນນ້ຳງື່ມຣີສອດ

ແດນສະຫວັນນໍ້າງື່ມຣີສອດ ເປັນສະຖານທີ່ພັກພັກຜ່ອນ ແລະ ຈຸດຊົມວິວທິວທັດອ່າງນ້ຳງື່ມ ແມ່ນມີຄວາມງົດງາມເກີນບັນຍາຍ ມີທັງພູຜາປ່າໄມ້ ສາຍນ້ຳ ບັນຍາກາດ ແລະ ອາກາດທີ່ສຸດແສນຈະວິເສດ ມີສາລາພັກຊົມວິວທິວທັດທີ່ຫາກໍ່ສ້າງຂຶ້ນ, ຈຸດຊົມວິວແຫ່ງນີ້ເລີ່ມມີຄົນໃຫ້ຄວາມສົນ ໃຈ ໂດຍມີຜູ້ຄົນຂັບລົດມາແວະຊົມຢ່າງບໍ່ຂາດ ຄົນສ່ວນຫລາຍມັກເຂົ້າໃຈວ່າຖ້າຂຶ້ນໄປຄາຊີໂນແດນສະຫວັນແລ້ວ ຈະຕ້ອງໄປຫລິ້ນການພະນັນຢ່າງດຽວ. ແຕ່ດຽວນີ້ຄວາມຄິດແບບນີ້ ແມ່ນຜິດແລ້ວ ເພາະສະຖານທີ່ໃກ້ໆກັບຄາຊິໂນນີ້ ແມ່ນມີແຫລ່ງທ່ອງທ່ຽວຊົມວິວທິວທັດທຳມະຊາດ ທີ່ງົດງາມຫລາຍລວມທັງກິດຈະກຳການທ່ອງທ່ຽວທາງນໍ້າເຊັ່ນ: ຂີ່ເຮືອສະປີດໂບດ, ລ່ອງເຮືອຊົມທຳມະຊາດ, ຂີ່ເຮືອເຈັດສະກີ, ມີອາຫານ ແລະ ເຄື່ອງດື່ມໄວ້ຄອຍບໍລິການໃນຈຸດຊົມວິວ ຕໍ່ໄປຈະມີສະຖານທີ່ຫລິ້ນນ້ຳຕາມແຄມນໍ້າຈະເປັນບ່ອນດຶງດູດໃຫ້ຄົນມາທ່ຽວບ່ອນນີ້ເພິ່ມຂຶ້ນເປັນທະວີຄູນ ແລະ ຈັດສະຖານທີແຄມນ້ຳໄວ້ໃຫ້ເປັນບ່ອນນັ່ງພັກຊົມວິວ ຄວາມສວຍງາມ ຂອງ ອ່າງນ້ຳງື່ມ.

ທຳມະຊາດຕາມ​ລຳ​ນ້ຳ​ຊອງ

ເຮືອກາຍັກ ເປັນເຮືອທີ່ເຮັດດ້ວຍຢາງປຣາສະຕິກ ທີ່ມີຄວາມແຂງແກ່ນທົນທານ, ມີຄວາມຄ່ອງຕົວ(ບໍ່ຈົມ) ເໝາະແກ່ການລ່ອງລອຍຕາມສາຍນ້ຳທີ່ໄຫລແຮງ, ເຊິ່ງແມ່ນທ່ານ ບຸນປອນ ຄຳມັງ ປະຊາຊົນ ບ້ານ ສະຫ່ວາງ ເປັນຜູ້ທຳອິດທີ່ນຳເອົາເຮືອດັ່ງກ່າວ ມາລ່ອງຕາມສາຍນ້ຳຊອງ. ນີ້ຈິ່ງເປັນອີກໜື່ງກິດຈະກຳ ທີ່ສ້າງຄວາມປະທັບໃຈ ແລະ ເພີດເພີນໃຫ້ແກ່ນັກທ່ອງທ່ຽວ ເມື່ອມາຢ້ຽມຢາມເມືອງວັງວຽງ ທີ່ບໍ່ຄວນພາດ ແມ່ນການລ່ອງເຮືອກາຍັກຕາມສາຍນໍ້າຊອງ ຊົມທິວທັດທຳມະຊາດອັນສວຍສົດງົດງາມ, ລຽບຕາມຕີນພູເຂົາສູງຊັນ ແລະ ທົ່ງນາ ເຊີ່ງມີນ້ຳໃສໄຫລເຢັນ, ມີແກ້ງຫີນລຽງລາຍ ເພື່ອພິຊິດຄວາມທ້າທາຍແບບພະຈົນໄພໄດ້ອັດທະລົດສໍຳພັດກັບທຳມະຊາດທີ່ແທ້ຈິງ ທີ່ຫາໃສປຽບບໍ່ໄດ້ ພ້ອມທັງຍັງໄດ້ຊົມວິຖີຊີວິດການທຳມາຫາກິນຂອງຊາວເມືອງວັງວຽງ ( ການຫາປາ ດ້ວຍສະຫວິງ…… ຕາມສາຍນ້ຳຊອງ) ນຳອີກ, ກິດຈະກຳນີ້ ເໝາະສຳລັບນັກທ່ອງທ່ຽວ ທີ່ມັກປະຈົນໄພ ປັດຈຸບັນ ຈຸດບໍລິການລ່ອງກາຍັກ ແມ່ນມີ 30 ກ່ວາຈຸດຂາຍບໍລິການ ໃນຕົວເມືອງ ວັງວຽງ, ມີເຮືອກາຍັກ …

ຖ້ຳປູຄຳ

ແຫຼ່ງທ່ອງທ່ຽວຖໍ້າປູຄໍາເປັນສະຖານທີ່ທ່ອງທ່ຽວທາງທຳມະຊາດແຫ່ງຫນຶ່ງທີ່ມີເອກະລັກ ແລະ ມີຄວາມໂດດເດັ່ນ, ມີຄວາມອຸດົມ ສົມບູນໄປດ້ວຍທໍາມະຊາດ ມີວິິວທິວທັດສະນີຍະພາບທຳມະຊາດທີ່ສວຍງາມ, ເປັນແຫຼ່ງທ່ອງທ່ຽວລະດັບເມືອງ, ຖໍ້າດັ່ງກ່າວຕັ້ງຢູ່ກາງໜ້າຜາກາ ມີລະດັບຄວາມສູງຈາກໜ້າດິນ 100 ແມັດ ແລະ ມີຄວາມຍາວປະມານ400 ແມັດ, ຕາມການເລົ່າຂານຂອງປູ່ຍ່າຕາຍາຍໃນເມື່ອກ່ອນຖໍ້າດັ່ງກ່າວແມ່ນຖືກຄົ້ນ ພົບໂດຍປະຊາຊົນໃນໝູ່ບ້ານທີ່ໄປລ້າສັດເພື່ອນໍາມາເປັນອາຫານ ແລະ ໄດ້ພົບເຫັນຖໍ້າດັ່ງກ່າວ ໃນເມື່ອກ່ອນເອີ້ນຊື່ວ່າ ຖໍ້າເຈຍ ເນື່ອງຈາກວ່າມີເຈຍມາອາໃສຢູ່ຢ່າງຫຼວງຫຼາຍ ຕໍ່ມາໃນປີ 1996 ອໍານາດການປົກຄອງບ້ານຈຶ່ງມີແຜນເປິດຖໍ້າເຈຍເປັນແຫຼ່ງທ່ອງທ່ຽວ ແລະ ໄດ້ປ່ຽນຊື່ຖໍ້າເຈຍມາເປັນຖໍ້າປູຄໍາຕັ້ງແຕ່ນັ້ນມາ, ການປ່ຽນຊື່ເປັນຖໍ້າປູຄໍານັ້ນ ເນື່ອງຈາກວ່າ ມີຊາວບ້ານໄດ້ໄປພົບເຫັນປູທີ່ມີລັກສະນະແປກ ແຕກຕ່າງກັບປູອື່ນທົວໄປ ເປັນປູທີ່ມີລັກສະນະຂາຍາວ ມີສີເຫຼືອງຄືສີຄໍາ ແລະ ຊາວບ້ານເອີ້ນປູນີ້ວ່າ ປູຄໍາຊາວບ້ານມີຄວາມເຊື່ອປູດັ່ງກ່າວເປັນເຈົ້າເຝົ້າຖໍ້າ, ດັ່ງນັ້ນ, ເຖົ້າແກ່ແນວໂຮມຈຶ່ງຕົກລົງປ່ຽນຊື່ຖໍ້າເຈຍ ມາເປັນຖໍ້າປູຄໍາ ແລະ ເປີດໃຫ້ບໍລິການເຂົ້າຊົມຖໍ້າຕັ້ງແຕ່ ປີ ຄ.ສ. 1996 ເປັນຕົ້ນມາ.