ທຳມະຊາດຕາມ​ລຳ​ນ້ຳ​ຊອງ

ເຮືອກາຍັກ ເປັນເຮືອທີ່ເຮັດດ້ວຍຢາງປຣາສະຕິກ ທີ່ມີຄວາມແຂງແກ່ນທົນທານ, ມີຄວາມຄ່ອງຕົວ(ບໍ່ຈົມ) ເໝາະແກ່ການລ່ອງລອຍຕາມສາຍນ້ຳທີ່ໄຫລແຮງ, ເຊິ່ງແມ່ນທ່ານ ບຸນປອນ ຄຳມັງ ປະຊາຊົນ ບ້ານ ສະຫ່ວາງ ເປັນຜູ້ທຳອິດທີ່ນຳເອົາເຮືອດັ່ງກ່າວ ມາລ່ອງຕາມສາຍນ້ຳຊອງ. ນີ້ຈິ່ງເປັນອີກໜື່ງກິດຈະກຳ ທີ່ສ້າງຄວາມປະທັບໃຈ ແລະ ເພີດເພີນໃຫ້ແກ່ນັກທ່ອງທ່ຽວ ເມື່ອມາຢ້ຽມຢາມເມືອງວັງວຽງ ທີ່ບໍ່ຄວນພາດ ແມ່ນການລ່ອງເຮືອກາຍັກຕາມສາຍນໍ້າຊອງ ຊົມທິວທັດທຳມະຊາດອັນສວຍສົດງົດງາມ, ລຽບຕາມຕີນພູເຂົາສູງຊັນ ແລະ ທົ່ງນາ ເຊີ່ງມີນ້ຳໃສໄຫລເຢັນ, ມີແກ້ງຫີນລຽງລາຍ ເພື່ອພິຊິດຄວາມທ້າທາຍແບບພະຈົນໄພໄດ້ອັດທະລົດສໍຳພັດກັບທຳມະຊາດທີ່ແທ້ຈິງ ທີ່ຫາໃສປຽບບໍ່ໄດ້ ພ້ອມທັງຍັງໄດ້ຊົມວິຖີຊີວິດການທຳມາຫາກິນຂອງຊາວເມືອງວັງວຽງ ( ການຫາປາ ດ້ວຍສະຫວິງ…… ຕາມສາຍນ້ຳຊອງ) ນຳອີກ, ກິດຈະກຳນີ້ ເໝາະສຳລັບນັກທ່ອງທ່ຽວ ທີ່ມັກປະຈົນໄພ ປັດຈຸບັນ ຈຸດບໍລິການລ່ອງກາຍັກ ແມ່ນມີ 30 ກ່ວາຈຸດຂາຍບໍລິການ ໃນຕົວເມືອງ ວັງວຽງ, ມີເຮືອກາຍັກ 1,500 ກ່ວາລຳ ໄວ້ຄອຍບໍລິການນັກທ່ອງທ່ຽວ, ທີ່ມີຄ່າບໍລິການ ຈາກ 100.000 – 200.000ກີບ/ຄົນ/ຄັ້ງ ເຊີ່ງທ່ານສາມາດສັ່ງຈອງດ້ວຍຕົວເອງທາງເວບໄຊຂອງບໍລິສັດ ຫລື ຫ້ອງຂາຍປີ້ດ້ວຍຕົນເອງກໍ່ໄດ້.

You may also like...

Leave a Reply

Your email address will not be published. Required fields are marked *